Dilebetkeun 09-06-2008 03:41
Kategori: Éséy | Teu aya Komentar »
Kakawasaan (power) téh sipatna abstrak, tapi gedé pangaruhna kana kahirupan dina hirupkumbuh. Aya kakawasaan formal, anu dicekel ku jalma-jalma nu dibarendo, calik jadi ménak (pejabat) pamaréntah atawa nagara. Aya kakawasaan informal, anu kapanggih di diri para tokoh masarakat, anu sanajan henteu nyangking kalunggguhan formal pamaréntahan, tapi sagala omongan sarta paréntahna diéstokeun ku balaréa. Biasana jalma nu kitu disebut kagungan karisma, atawa tokoh karismatis.
Terasanana »
Dilebetkeun 09-06-2008 03:36
Kategori: Éséy | Teu aya Komentar »
TAUN 2009 nu ukur bubulanan deui, pangeusi alam dunya bakal ngalaman nguyang. Kakurangan dahareun. FAO, lembaga nu ngurus kaayaan pangan di PBB, geus nuduhkeun sabab-sabab pangna kajadian kitu. Nyaéta gagal panén, gangguan bencana alam, jeung sasayagian binih nu beuki samporét. Réa akibat nu baris karandapan, nyaéta ngagejrétna produksi pangan jeung mumbulna harga kaperluan sapopoé. Lian ti paré, gandum jeung jagong, dahareun séjén gé baris kabawakeun sisip. Kaasup bangsaning dadagingan. Akibat nu leuwih parna, manusa bakal nyanghareupan kakurangan protéin héwani jeung nabati, tur nandangan kasakit nu tacan aya piubareunana.
Terasanana »
Dilebetkeun 14-05-2008 12:41
Kategori: Éséy | 6 Komentar »
Tuluy, lamun urang ngitung kecap “Allah” ti ayat munggaran Surah Al-Hadid tepi ka ayat 25 (nu aya kecap “hadid”), horéng kecap “Allah” téh muncul 26 kali, luyu pisan jeung nomer atom beusi (jumlah proton dina inti atom beusi). Subhanallah! Paingan Allah ngadawuh: “Saéstuna nu sieun ka Allah ti antara abdi-abdiNa ngan jalma-jalma nu baroga élmu.” (Surah Fathir 28).
Terasanana »
Dilebetkeun 09-05-2008 08:39
Kategori: Éséy | Teu aya Komentar »
Sapamanggih, urang Sunda mah umumna boga sikep positif kana kabiasaan mancakaki. Cindekna, dianggap merenah. Ieu téh bisa katengetan upamana dina sawangan Ajip Rosidi (Pancakaki, 1996). Tapi naha bener mancakaki téh mibanda konsép nu mulus? Ti antara pamanggih nu pernah katiténan, mancakaki dianggap perlu pikeun ngaraketkeun duduluran, manjangkeun silaturahmi. Saha nu kaabotan atuh kana perkawis ieu mah. Tapi urang tetep kudu waspada kana akibat négatif nu bisa jadi aya mamalana. Jeung kudu ditarékahan panyinglarna.
Terasanana »
Dilebetkeun 09-05-2008 08:35
Kategori: Éséy | 2 Komentar »
KOKORO téh miskin téa. Malah sakapeung mah sok diémbohan jadi kokoro nyoso malarat rosa, hartina miskin kabina-bina. Jalma kokoro sok dipapandékeun ka nu dahar soré henteu isuk, hésé néangan sandang pangan. Sababna mah bisa rupa-rupa, lantaran teu boga pagawéan, atawa (mun di lembur) keur kaserang paceklik panjang.
Terasanana »
Dilebetkeun 09-05-2008 07:56
Kategori: Éséy | Teu aya Komentar »
Ari kabeneran nyaba ka kota Kuningan, atawa kukurilingan di kabupatén Kuningan cara di Luragung, Linggarjati jeung sajabana, haté sok henteu weléh muji ku sabab jalan-jalan anu diliwatan, sanajan sakapeung aya nu rada ruksak, tapi umumna laleucir, jiga anu henteu weléh ditalingakeun, gancang dibenerkeun lamun aya nu korowak sautak-saeutik, komo anu di jero kota mah.
Terasanana »
Dilebetkeun 01-04-2008 05:15
Kategori: Éséy | 1 Komentar »
TEGALLEGA téh baheulana mah tanah ngablag. Perenahna kiduleun alun-alun Bandung. Malah nepi ka taun 1930-an mah, éta téh tungtung kidulna kota Bandung. Asalna mah tanah kagungan Bupati R.A. Wiranatakusumah IV. Balap kuda jaman Walanda gé tempatna téh di Tegallega. Cék nu légég mah sok disebut Tegallega Raceterrein, atawa lintasan balap Tegallega.
Terasanana »
Dilebetkeun 06-02-2008 01:49
Kategori: Éséy | 4 Komentar »
UNGGAL taun murid-murid sakola di satungkebing Indonésia nyanghareupan Ujian Nasional (UN). Ti anggalna kénéh sakabéh sakola di Indonésia tatan-tatan. Pemantapan, try out, jeung latihan ujian terus digederkeun. Harepanana iwal hiji: siswa-siswi di unggal sakola bisa lulus kalawan hasil nyugemakeun.
Terasanana »