Dilebetkeun 21-09-2007 11:46
Kategori: Sajak | 8 Komentar »
HAREWOS BOJONG
Dina tungtung peuting
Basa hujan teu jadi datang
Aya haréwos na jeroning hate
Teu apal saha-sahana
Teu nyaho rupana
Teu inget di mana kungsi panggih jeung manéhna
Tapi éta haréwos
Lir sora angin nu ngahiuk
Siga sora galura di sagara
Éstu matak ketir
Éstu matak gimir
Sok sanajan ngan ukur haréwos
Nu matak ahéngna
Éta sora kungsi jadi ciri
Lamun kuring keur nandangan kanyeri
Najan ukur bari ngaharéwos
April […]
Terasanana »
Dilebetkeun 19-06-2007 12:10
Kategori: Sajak | Teu aya Komentar »
Sajak Toni Lesmana
Peuting meuleum sajak
Dina parukuyan
Kebul-kebul
Tarajé ka alak paul
Wirahma langit
Jeung bumi. Sanget temen
Nu mangkat
Angseu taneuh jeung seungit matapoé
Dijentréng-jentréng
Dikését-kését
Kacapi parahu waktu
Rebab pangwelah rasa
Di tengah laut igelan. Reundeuk
Ulah teuing dipanteng
Sina ngangkleung, kleung
Ieung, kuring palid ka mana boa
Nyawang jangjang pulas panén
Aya nu usik, boa karémbong
Leungeun-leungeun gaib
Ngaléng batin. Ngajak lumampah
Mapay-mapay galengan implengan
Sapanjang bulan purnama
Baeu, Nyai Sri
Ieu kuring, ieu asih
Mangsa […]
Terasanana »
Dilebetkeun 19-06-2007 12:08
Kategori: Sajak | Teu aya Komentar »
Ku Pandu A. Hamzah
mangsi leuwih gancang nyaliara
saacan puisi aya.
jeroeun haté saha nu nyaho
waktu téh lain siluman, inyana
ukur sok ngiwat haiku ti jeroning
serat hareuras
nu nyicingan kertas jarami jeung rohangan
Wuni Kahujanan
nalika wuni kahujanan, siga taya nu dikir, guneman,
atawa ngadu´a
cék tangkal wuni:
"sabab harepan kana hujan nu ngagebrét
ngilatkeun cahaya ti lemah nepi ka langit"
nalika éta tangkal wuni kahujanan tepi […]
Terasanana »
Dilebetkeun 19-06-2007 12:07
Kategori: Sajak | 2 Komentar »
Ku Étti RS
Neuteup daratan sabéngbatan
bet manjang dina ingetan
lemah pangancikan kalimpudan suhunan
ti gedong petingan nepi ka tempat nyiruruk saliwatan
‘na saha nu ngagelar tanah angar?
‘na saha nu teu butuh rampidakna tatangkalan?
pulas héjo pasawahan
tingarudat di antara pulas-pulas campuran
lir papaés na lukisan nu teu miroséa aturan
Ka saha kudu talatah
nepikeun rasa ngeunaan tempat bumetah
ka saha kudu jumerit
nepikeun karisi ngeunaan bumi […]
Terasanana »
Dilebetkeun 19-06-2007 12:07
Kategori: Sajak | Teu aya Komentar »
Ku Étti RS
Neuteup daratan sabéngbatan
bet manjang dina ingetan
lemah pangancikan kalimpudan suhunan
ti gedong petingan nepi ka tempat nyiruruk saliwatan
‘na saha nu ngagelar tanah angar?
‘na saha nu teu butuh rampidakna tatangkalan?
pulas héjo pasawahan
tingarudat di antara pulas-pulas campuran
lir papaés na lukisan nu teu miroséa aturan
Ka saha kudu talatah
nepikeun rasa ngeunaan tempat bumetah
ka saha kudu jumerit
nepikeun karisi ngeunaan bumi […]
Terasanana »